جدول احلى رمضان فى حياتى

السلام عليكم ورحمة الله وبركاته

دة جدول يومي مقترح للعبادة فى شهر رمضان
انا لقيته على الفيس بوك
قلت اجبهولكم عشان الكل يستفيد
وان شاء الله نحاول جاهدين نعمل بيه

جدول أحلى رمضان فى حياتى

أحلى 30 يوم فى حياتنا

السلام عليكم و رحمه الله و بركاته
بسم الله الرحمن الرحيم
الحمد لله رب العالمين
و الصلاه و السلام على أشرف المرسلين
رب اشرح لى صدرى و يسر لى أمرى
و احلل عقده من لسانى يفقه قولى
سبحانك لا علم لنا الا ما علمتنا

" يأيها اللذين ءامنوا كُتب عليكم الصيام كما كُتب على الذين من قبلكم لعلكم تتقون "

فالقصد من الصيام هو التقوى و لابد أن يكون السبب الرئيسى من الصيام هو التقوى
و ان شاء الله هيكون ده أحلى رمضان فى حياتنا و هنعمل بحمله لا تفسد رمضانك التى تحت اشراف الشيخ مصطفى حسنى

و هنقول ايه هى الحاجات اللى ممكن تفسد القلب
مفسدات القلوب :-
3 أشياء :-

1- عوائق.
2- علائق .
3- عوائد .

1- العوائق :
كل ما يعوق بينك و بين الوصول اٍلى الله .
أمثله :-
1- المال الحرام .
2- آفات اللسان .
* الغيبه .
* الكذب .
لا يستقيم ايمان عبد حتى يستقيم قلبه و لا يستقيم قلبه حتى يستقيم لسانه .
فابدء باللسان

3- الحسد : من صفات اليهود
( و هو تمنى زوال النعمه ) تمنى ما عند الأخرين .

سبب الحسد :_
• ضعف اليقين .
• ضعف الايمان بالقدر
• عدم الثقه فى حكمه الله
و حكمه الله : هى وضع الشىء فى محله و الذى لا يستقيم الا به .

4- الرياء : هيقولوا علىّ اٍيه ؟
فالدين يقوم على الاٍخلاص
أما الاٍخلاص : كيف ينظر الىّ الله ،
أما مدح الناس : فتلك عاجل بشرى المؤمن .

2- العلائق :
ما يتعلق به القلب من المعاصى ، و هو اتباع الهوى أى لا يبحث عن الحق .
و علاجه العلم ، فبالعلم يتميز الحق و الباطل ، السنه و البدعه ، أمراض القلوب .

خطر العلائق :-
• التأويل الفاسد
• عباده الشىء
علامات حب الله : اذا احب الله العبد ، جعل حب الله فى قلبه هو الاكبر .

3- العوائد :

العادات
( الأصل فى العاده الاباحه الا ان يأتى نص بالتحريم )
* لابد من التوقف حتى قبل الطاعه للتأكد من الاتباع .
* كثره الشراب و الطعام و المزاح و المخالطه يفسد القلب .
* القليل من المباح لسد حاجه النفس فيعينك على الطاعه .
* للعباده لذه و ثمره ( الخشوع و الخشيه )

عادات الدين : العبادات
الطاعه : عباده الله على مراد الله ( كما فرض الله )
فقد تأتى بالطاعه و لكن ليس على مراد الله

" و منهم أميون لا يعلمون الكتاب اٍلا أمانىّ " ( البقره )
أفضل الدعاء : طلب العون من الله على مرضاته .

و ده الجدول اللى ان شاء الله هنمشى عليه فى رمضان
و لازم يا جماعه رمضان يكون كله لله
و مش عايزين نضيع وقت فيه خالص
و مش هنتفرج على التليفزيون ع المسلسلات

رمضان " قله الطعام و قله الكلام و قله المنام و قله الأنام "

و ده شهر القرأن يعنى هنقرأ قرأن كتيييييييير
و زىّ ما اتفقنا ان الجزء بياخد حوالى نصف ساعه فقط

الصلاه :-
الفرائض فى المسجد للرجال صف أول جماعه اولى

النوافل هتكون :-

ركعتين قبل الفجر
ركعتين اشراق
ثمان ركعات ضحى
أربع ركعات قبل الظهر
أربع ركعات بعد الظهر
أربع ركعات قيل العصر
ركعتين بعد المغرب
ركعتين بعد العشاء
ثمان ركعات تراويح
3 ركعات وتر
ثمان ركعات تهجد فى الثلث الأخير من الليل

و ان شاء الله هنقعد بعد الفجر لحد الشروق نقرأ قرأن ( جزئين )
و بعدين نصلى ركعتين اشراق

و ننام بعد الشروق ( من 6 : 10 )
و نصلى الضحى بجزء
و نقرأ جزئين

و بعد صلاه الظهر نقر حتى صلاه العصر نقرأ 5 أجزاء
يبقى كده عشر أجزاء

و من العصر حتى المغرب ( الأكل أو مساعده فى البيت )

و اللى بيشتغل ممكن 5 أجزاء فقط

و بعد ما نرجع ممكن ننام من 2: 12 و بعد كده نصحى نصلى تهجد بجزء

ثم السحور

و استغفار حتى أذان الفجر
و ان شاء الله هيكون فى كل يوم صدقه حتى لو شق تمره
و نحاول نفطر صائم

و الذكر

سبحان الله ، لا اله الا الله ، سبحان الله و بحمده سبحان الله العظيم
سبحان الله و الحمد لله و لا اله الا الله و الله اكبر،
و الصلاه على النبى ، و الاستغفار ،
لا اله الا انت سبحانك انى كنت من الظالمين ( نكثر منهم بأعداد كبيره )
سبحان الله و بحمده مئه فى الصباح و مئه فى المساء ،
اذكار النوم ، اذكار الصلاه ، اذكار النوم ، اذكار الصباح و المساء

و ربنا يتقبل منا جميعا

» رمضان وتدبر القرآن
» رمضان فى ذاكرة التاريخ
» رسالة إلى إمام المسجد في رمضان
» اعمال يحبها الله فى رمضان
» أخى.. أختى.. ما رأيكم أن نمتنع عن هذه الأشياء فى رمضان؟؟